الفطير المشلتت الفلاحى . طبعا الكل يعرفه فهو طعام الأصحاء لأنه يحتوى على نسبة عالية من السمن والزبد .وطبعا الفطير المشلتت لا يعجن بالخميرة .
وعندنا نعمل الفطير بالسمن والجبن الخزين ونأكله بالعسل الأسود ،
وهذا شكل العجين بعد ما انتهى العجن . يأخذ حوالي نص ساعة ويلزم للمشلتت عجينة طرية ولينة ومتماسكة
وعجينة الفطير محتاجة ترتاح علشان يسهل فردها بعد كدة بكل سهولة .
بعد ذلك يتم تقطيعها على هيئة قطع متناسبة وتوضع في صواني مدهونة بالزيت
ولازم العجينة تمط وده سر الفطير لازم تبقى العجينة كده مهما مطتيها ما تتقطعش . وممكن نوصل للقوام ده عن طريق طول مدة العجن ونتركها ترتاح لفترة طويلة
وتستخدم السمنة مخلوطة بالجبن فى فرد العجين أومن غير جبن لمن لايحبها بالجبن
ونبدأ نشد الأطراف وبكل بساطة حتمط ومش حتتقطع لاني العجينة ارتاحت لفترة طويلة .
كده بعد ماتفرد أول كورة عجينة نلاحظها شفافة جدا ومفرودة يرش السمنة والجبن وتوزع على كل العجين
ثم تطوي الفطيرة على بعض بهذا الشكل
ودى الطبقة الأولى . بعدها تفرد كورة تانية بنفس الطريقة
وتوضع الفطيرة الأولى عليها
حنفرد كورة عجينة تانية بنفس الطريقة ونحط (الفطيرة نمرة واحد) جواها بالطريقة دي
ونبدأ طى جوانب العجينة علشان تغلف الفطيرة الي جوة ويتم إضافى ورقة ثالثة
وهذا شكل الفطيرة بعد ما طلعت من الفرن
ومع العسل الأسود وليس الأبيض حاجة خطيرة
ليست هناك تعليقات:
إرسال تعليق