مربى اللارنج

طريقة عمل مربى اللارنج
 

هذه طريقة مربى اللارنج التى تتميز بطعمها المر

المقادير

2كيلو لارنج طازج 
 كيلو وربع سكر(اى ست اكواب وربع (مج))
الطريقة
أولا نعقد السكر فى 2 كوب ماء اى نغلية تلت ساعة لحد ما يبقى شبه الشربات
ثانيا:تقشر الحبة بسكينة حامية لازالة القشرة البرتقالية
الخارجية ويمكن استخدام المقشرة اسهل كما بالصور

:



ثم بعد ذلك نعمل حز بالسكينة فى منتصف الحبة

ثم نثبت يدنا على احد النصفين ونلف النصف الاخر فى اتجاه واحد كما نفتح علبة الكريم فنحصل على نصف خالى من الثمرة ونصف متعلق به الثمرة



ننزع القلب ونجمع كل القلوب ونعصر باليد فى مصفاه ضيقه

يحذر عصرها فى الخلاط حيث ستتكسر البذور وتعمل مرارة
يوضع العصير الناتج فى الثلاجة لحين الانتهاء من التجهيز

نرجع تانى للحم الابيض نبدأ بكحت كل فص بملعقة

 

ننضفه كويس من الداخل من الألياف حتى تصبح القشرة رقيقة
والصورة دى بتوضح الفرق بين التنضيف وقبله

 حنخدها ونقطعها حسب الرغبة شرائح رقيقة
ثم نغمرها بالماء ونغليها مرة واحدة ونصفيها ثم نغمرها بماء جديد ونغليها لمدة ساعة حتى تنضج تماما ولو احتاجنا مية نزود لحد ما تستوى وتصبح شفافة :

نصفيها كويس ونضعها فى السكر المعقود ونتركها تغلى على نار هادئة لمدة ساعة ونقلبها باستمرار ومنشلش الريم لانه سكر وجزء من المربى وحيدوب جوة المربى كل ما تقلبى

ملحوظة مدة السوا دى ل2 كيلو يعنى اللى تعمل كيلو تراعى الفرق وتراقب باستمرار وتحط شوية فى طبق وتسيبهم يبردوا لو قوامها كويس تتطفى خلاص

بعد كده نجيب العصير من الثلاجة ونضيفة للمربى
ونغليها عشر دقائق ونطفى النار ثم نقلب لمدة دقيقتين لحد الريم ما يختفى ونختبرها لما تبرد لو لسة نديها غلوة 5 دقائق بس مش اكثر لانها لما تبرد بيتقل قوامها
لا نضع ليمون العصير كافى
ياريت تجربوها حتعجبكم دى مرة واحدة فى السنة والحقوا اللارنج قبل ما يختفى 

  

شوفوا قد ايه شفافة وطعمها جميل متخفوش المرارة ممزوجة بالسكر بتدى طعم رائع احلى من الجاهزة بكتير

منقول