خطوات تحضيرالقلقاس

المقادير:
2 كيلو قلقاس .
ثوم....

بصله...

سمن بلدى فاخر ...

بهارات( شطه .. ملح.. فلفل اسمر).
دجاجة بلدى .. 

وطبعا بيبقى جنبه طبق ارز...

كسبرة خضراء..

سلق ...( ده بيبقى لونه اخضر مثل الفجل ).
الطريقه:
اولا طبعا بنحضر القلقاس قبلها بيوم مع الخضرة بتاعته...ونقشره ونقطعه مثل المكعبات الصغيرة ...


 

 

 

 

وبعد ذلك يتم غسله ووضعه فى ماء ساخن ..
والبعض بيغسله بالليمون فى وقتها ..


 

 

والأفضل تجهيزه قبلها بيوم لانه بينزل ميه مش كويسه

وده غلط فى الشوربه ... بتبقى طعمها مش طيب ..
والخضرة نغسلها جيد الكسبره ونحضرها فى مصفاه صغيرة .. وايضا السلق هناخد بس اوراقه ..
الصوره الاولى الكسبرة الخضراء..

السلق بعد تقطيعه واخد اوراقه


التحضير:
اولا بناخد الدجاجة ونغسلها جيدا ثم نقوم بطهيها على النار سلقها مع ملح وفلفل وبصله وحبهان ومستكه واعشاب مخصوصة لشوربه الدجاج

المهم نضع الدجاجة تستوى.. ونقوم بسلق السلق ..
وبعد سلقه جيدا .. نصفيه فى مصفاه ثم طحنه باليد أو  بالكبه .. او مطحنة الكبه ..
المهم نقشر الثوم ونضع عليه الشطه والكسبرة ونقوم بطحنهم مع بعض ..
وبكده يبقى حضرنا كل حاجات القلقاس 

نيجى للقلقاس نفسه نفضل غسله جيدا تحت الماء عدة مرات لغاية لما يكون فى الايد كده مفهوش مادة لزجه او سميكه ...
وبعد ما تستوى الدجاجة .. بنطلعها ونضع فى الشوربه القلقاس .. شويه صغننين ونضع عليه السلق
اما الكسبرة والثوم  بنحمرهم بشوية سمن وفى الاخر نضعها على القلقاس ..
ونكون عملنا طبعا الارز بالشعريه






وبالهنا والشفا ..