بداية الثورة كانت صباح يوم الخامس والعشرين من يناير 2011
وكانت هتافات الناس
يسقط يسقط حسنى مبارك
تسقط تسقط سوزان مبارك
يسقط يسقط جمال مبارك
يسقط يسقط علاء مبارك
ياجمال قول لأبوك كل الشعب بيكرهوك .
يامبارك قول لإبنك لما تشوف حلمة ودنك
ثم أصبح يوم الجمعة
الشعب يريد إسقاط النظام
ثم أصبح يوم السبت
الشعب يريد إسقاط الرئيس
ثم أصبح يوم الأحد بعد انتشار الجيش
مش حنمشى لما يمشى
ولكن تنوعت الهتافات من مكان لآخر
بعد ورود أنباء من الصحف الأجنبية أنه وعائلته
يملكون سبعين مليار جنيه قال المتظاهرون :
يا مبارك يا طيار .. جبت منين سبعين مليار
هوه معاه سبعين مليار .. والأسعار بتولع نار
وفى اليوم الخامس عشر من الثورة قال المتظاهرون :
حنقولهالك آخر مرة ... حسنى مبارك يطلع مرة
وكانت هناك هتافات فى مرحل مختلفة قبل الثورة وأثنائها
26 شخص ضحية من حكومة البلطاجية
لفق لفق فى القواضى أمن الدولة واطى واطى
هوه مبارك عايز إيه كل الشعب يبوس رجليه
لأ يامبارك مش حنبوس بكره عليك بالجزمة ندوس
لا لمبارك أب وإبن لا للفردة والإستبن
حضرات الساده الظباط بإيديكم كام واحد مات
عيشوا بشرف جتكوا القرف
أمن الدولة كلاب الدولة
دوله عتولة فى نهب الدولة
دول عاملين علينا أسود وبيتسحلوا على الحدود
دول عاملين علينا أسود وبينضربوا على الحدود
قول يامبارك يا مفلسنا إنت بتعمل لإيه بفلوسنا
إللى بيقتل أهله وناسه يبقى عميل من ساسه لراسه
ولا عدلى ولا حبيب إرحل يا وزير التعذيب
مجلس شعب صباح الخير وانت رئيسك ملياردير
مجلس شعب مساء الطين وانت رئيسك وسط الطين
رصاصة خدت اللى فات ورصاصة حتاخد ده
التاريخ بيقول كده
إدى إديها كمان حرية وابعت هاتلى ميت عرية
وابعت هات مليون شاويش آه يا حكومة ما تختيشيش
أمن الدولة يا أمن الدولة فين الأمن وفين الدولة
أمن الدولة يا أمن الدولة أنتوا حكومة دولة مين
إنتوا حكومة دولة مصر والا أمن لإسرائيل
إنتوا أمن لإسرائيل
لموا الشرفا فى الزنازين يبقى مكان المجرم فين
المجرم حابس أهلينا ..................
ربنا ياخدك روح يا بعيد انت وصاحبك عز حديد
وكمان جمى وبقيت الشلة يوم ما تغوروا دا يوم العيد
عللى وعللى وعللى الصوت اللى حيهتف مش حيموت
عللى وعللى وعللى كمان ضد حكومة الطغيان
خدوا واحد خدوا مية مش حتنسونا القضية
والقضية والقضية المجلس من غير شرعية
بطل تمشى جنب الحيط أصل سكاتك مش حيفيد
يا أهلينا يا أهلينا الدخلية بتعادينا كل يوم تطلع علينا
الشعب اتهان الشعب اتذل بقت العيشة خل فى خل
باشا يا باشا ياباشا يا كبير بينى وبينك فرق كبير
أنا هنا واقف لجل قضية مش مستنى يا باباشا ترقية
أنا هنا واقف لجل تاريخ مش مستنى يا باشا نياشين
ليست هناك تعليقات:
إرسال تعليق