لو تدبرت القصه بعقلية هذه الأيام ممكن تحس إنهم لم يفعلوا خطأ
ربنا قالهم متصطادوش يوم السبت والنَّاس قاعده مفيش سمك طول الأسبوع ومش بيجي سمك غير يوم السبت . ماذا فعلوا ؟ معملوش حاجه غير انهم حطو الشبك الجمعه ليلا وجمعوا السمك حتى الصباح يعني هما بنفسهم مصطادوش يوم السبت، تحس عادي يعني هما عملو ايه
اكيد في شيوخ عندهم قالولهم يجوز مدام انتو بس رميتو الشبكً
وناس منهم قالولهم واحنا مالنا
واكيد سمو الصيد بتاع السبت دا حاجه غير الصيد ....
لو فكرت فيها بعقلية الفهلوة بتاعت اليومين دول ممكن تلاقي انهم معملوش حاجه
بس دا ربنا غضب عليهم و لعنهم يعني أخرجهم من رحمته وجعلهم قردة خاسئين.
(وَلَقَدْ عَلِمْتُمُ الَّذِينَ اعْتَدَوْا مِنْكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ)البقرة 65
كل دا عشان لفوا وداروا حواليين امر ربنا سبحانه وتعالي
أد ايه في ناس النهارده عايشه بعقلية المحلل بتلف وتدور ....
الخمرة بقت مشروبات روحيه،
والرشوه بقت اكراميه ،
والربا فائده ،
والتفلت والعرى حرية،
واللي مش بيصلي بقولك الدين معاملة،
واللي يصلي الجمعه بس ويقولك مش احسن ما اصليش،
واللي بيجمع الصلاة كلها قبل ما ينام،
واللي يروح صلاة الجمعه علي الصلاه وربنا امر انك تحضر الخطبة والصلاة ،..
والحجاب اللي بقي استرتش واللي واللي واللي.....
بصراحه حالنا صعب ومش كويس ويمكن يكون دا سبب سوء أحوالنا كأفراد وحال الامه كلها.
المصيبه ان يكون ربنا غضبان علينا او حتي خارجين من رحمته واحنا مش حاسين وفاكرين اننا من أولياء الله الصالحين.
احنا بجد محتاجين نعامل ربنا كرب عظيم يأمر فيطاع-
ربنا بيقول : (مالكم لا ترجون لله وَقَارا)
وبيقول: (وما قدروا الله حق قدره)
وبيقول: (ولو انهم فعلوا ما يوعظون به لكان خير لهم)
استقيموا...ينصلح حال الأمة...ويرفع الله عنها البلاء..
ليست هناك تعليقات:
إرسال تعليق