الليمون المخلل بالعصفر و حبه البركه

طريقة عمل الليمون المخلل بالعصفر و حبه البركه



1- نجيب نص كيلو ليمون اصفر متوسط الحجم و نراعى عند شراءه اختيار الحبات الناعمه .

2- يشق الليمون بسكين على هيئه حرف x

3- نجيب 2 ملعقه كبيره حبه البركه 

+ 1 ملعقه كبيره عصفر

نخلطهم مع بعض فى طبق و نبدأ نحشى بيهم الليمون و نرصه فى برطمان معقم مع قرنين فلفل حار.

4- الخلطه : ربع كوب ملح + كوب و نص عصير ليمون (انا مقدرتش اعصر الكميه دى كلها فعصرت شويه و كملت ميه) نسخن الكلام ده على النار لحد ما يغلى و نضيفه و هو سخن فوق الليمون .

5- بعد قليل نلاحظ انخفاض مستوى الليمون شويه فى البرطمان فبنقوم نعمل ايه بقى . نجيب قشر الليمون الناتج من العصر و نحشره فى البرطمان فوق الليمون و نزود شويه زيت و ده لعمل طبقه لمنع تسرب الهواء.

6- يترك شهر .


 


ملحوظه رفيعه :اى مخلل يراعى حفظه فى التلاجه بعد البدء فى استخدامه .
منقول : فتكات