من صفحه صديق
ركبنا فى مواصله كانت عربيه فيها ٨ ركاب
وأجره العربيه كلها كانت 16ج
السواق أول ما ركب قال : ياجماعه اللى حافظ ٣ أحاديث عن النبى ﷺ بيدفع نُص الاجره واللى حافظ ٦ مبيدفعش !
الناس كلها بصيت لبعض .. وأبتسموا جدا رد واحد
- تصدق بالله انت ربنا هيكرمك كرم إنت عمرك ما شوفته في حياتك عشان تذكيرك لينا بكده
رد السواق
= الله يوسع عليك يارب .. يلا ياجماعه نمشيها بالدور
- الأخ اللى ورا حافظ ايه !
= انا... يعني والله هههههه حاضر
إماطة الأذى عن الطريق صدقة
- اللة عليك ، ايه تانى
= أن من أحبكم إلي واقربكم مجلساً يوم القيامة أحسنكم خلقا
- الله يكرمك حافظ حاجه تانى
= مفيش
- ادفع نص جنيه بس
= حاضر
- اللى بعده
= النبى قال اقراوا القرآن فإنه يأتى يوم القيامة شفيعاً لأصحابه
- الله يبارك فيك .. حاجه تانيه
= لا والله مفيش، يا شيخنا
- اللى بعده طيب
= بص هو حديث بيقول رضا الله فى رضا الوالدين و سخطه فى سخطهم
- ماشاء الله، بس هو حاجه بسيطه،صح الحديث بس بدل كلمه الله هتبقى '' رب ''
وفضلنا على الحال ده طول السكة
لحد ما وصلنا لأخر واحد
- ها قول حافظ ايه
= هو بصراحة مش حافظ
- ليه ياعم بس
'' رفع أيديه وشاور '' - مسيحى انا وده صليب
'' فصلنا ضحك ''
= بس حافظ حديث ولأنك انسان حلو هقولهولك
- ها
= البسمة فى وجه أخيك صدقة
'' الراجل عينيه تحسها هتعيط ''
- ربنا يباركلكوا كلكوا .. محدش يدفع يا خونا الله معكم وحمدلله على السلامة
'' ونزلنا ومدفعناش ''
لقيت راجل من اللى كانوا قاعدين حط ٢٠ج على الكرسى قبل ما ينزل
- ياريس لقيت دى
= الله يكرمك ، يلا خير
ومشينا .. ومش عارف أحكى عن السواق ولا عن الناس اللى ضحكت، ولا عن المسحيى اللى شاركنا برضه
ولا عن الراجل اللى ساب فلوس للسواق !
كلنا جوانا الحلو والله
” مواصلة بالحسنات تلاقي ويا الجنه “
وأنا سأذكر ثلاث أحاديث عن رسولنا الكريم صلي الله عليه وسلم
1_(خيركم خيركم لأهله)
2_(للصائم فرحتان: فرحة حين يفطر، وفرحة حين يلقى ربه)
3_: (من صلى علي صلاة واحدة صل الله عليه عشراً)
صدق رسول الله صل الله عليه وسلم
ليست هناك تعليقات:
إرسال تعليق