الخميس، 4 فبراير 2016

لما تسافرخارج مصر






فوائد السفر
لما تسافر هتكتشف إن معظم سكان العالم ميعرفوش مصر دي فين أصلا .
لما تسافر هتكتشف إن مصر مش أم الدنيا ولا حاجه.
لما تسافر هتكتشف إن الست المصريه هي أكتر ست بتتعب و وتشيل الهموم .
لما تسافر هتكتشف إن الشعب المصري أخف وأطيب شعب.
لما تسافر هتكتشف إن مصر عندها مقومات النجاح اللي مش موجوده عند أي دولة بس للأسف بدون نتيجة.
لما تسافر هتكتشف إن الكالسون المصري مضاد لأي أجواء عالميه.
لما تسافر هتكتشف إن اللي اخترع الشطافه المفروض ياخد جائزة نوبل.
لما تسافر هتكتشف أخلاقك وصورتك الحقيقية قدام نفسك (لأنك عايش في مجتمع مفهوش خوف من كلام الناس . مجتمع مباح في أي حاجه)
لما تسافر هتكتشف إن أكبر شعب متعذب هو الشعب المصري.
لما تسافر هتكتشف أن في ناس لسه فاكره الإسلام انتشر بالقوة والسيف(طبعا عشان مفيش دور للأزهر).
لما تسافر هتكتشف إن دين الاسلام هو دين الفطرة.
لما تسافر هتكتشف إن المعده بتاعة المصرين هي المعده الوحيده إللي مُجهزه إنها تاكل محشي وفول وممبار ولحمة راس .
لما تسافر هتكتشف
إن عادي ممكن تعيش من غير تليفزيون وهتبقى مبسوط جدا.
لما تسافر هتكتشف
إن مافيش دوله شبابها بيفضل يهري علي حدث ( في ناس لسه بتتخانق عشان كليب عمرو ومنير  ، ومرسي هيرجع ولا لا).
لما تسافر هتكتشف
إن أكتر شعب بيهتم بالمظاهر هي الشعوب العربية.
لما تسافر هتكتشف
إن النيش دا ملوش اي لازمه في الحياه.
لما تسافر هتكتشف
إن مافيش حاجه إسمها أنا أخذت عين واتحسدت .
لما تسافر هتكتشف
إن مجمع التحرير المفروض يتولع فيه النهارده قبل بكره.
لما تسافر هتكتشف
إن المصري بيسد في أي حاجه .
لما تسافر هتكتشف
إن نعمة الإسلام دي نعمة كبيره من عند ربنا عليك.
لما تسافر هتكتشف
إن الواحد ممكن يتجوز في شقة ٥٠ متر زي بقية خلق الله.
لما تسافر هتكتشف إنك لما تشوف الشرطه بتطمن ومبتخفش من ظابط يلفقلك تهمه عشان مش عاجبه شكلك.
لما تسافر بتكتشف إنك انسان طبيعي عندك الحاجات الاساسية للحياة.
لما تسافر هتكتشف
إن أقل سرعة نت دي سي ال في المانيا هي ٢٥ ميجا بايت وتقريبا بنفس تمن الواحد ميجا الي في مصر.
لما تسافر هتكتشف انك مش محتاج تقفل الراوتر وتفتحه تاني.

ليست هناك تعليقات:

إرسال تعليق

ألعاب زمان

قد يستحقر البعض أساليب اللعب زمان . ولكن بشئ من الإنصاف يمكن أن نعدد من المزايا التى فى تلك الألعاب بما يصعب حصره . وهنا نترك لكم ف...