طفل صغير بيسأل أباه عن دخله فدار بينهما الحوار التالى :
الإبن: بابا ممكن أعرف انت بتاخد كام في الساعة؟
الأب: ده مش شغلك، ليه بتسأل الأسئلة دي؟!
الإبن: أنا بس عايز اعرف، والنبي قوللي بتاخد كام في الساعة؟
الأب: لو لازم تعرف.. باخد 100 جنيه في الساعة..
الإبن: (وهو باصص في الأرض بحزن) بابا ممكن تسلفني 50 جنيه؟
الأب: (بعصبية) إنت لو بتسأل السؤال ده عشان في الأخر تطلب مني فلوس بالطريقة دي عشان تروح تشتري لعبة ساذجة ملهاش معنى فإتفضل ادخل اوضتك.
دخل الإبن حجرته وقعد الأب متعصب شوية ولما بدأ يفكر إن إبنه ممكن يكون فعلا محتاج الفلوس في حاجة تانية..ذهب إليه فى حجرته.
الأب: صاحي؟
الإبن: اه يا بابا..
الأب: امسك الخمسين جنيه اهي..
الإبن بفرحة طلع فلوس من تحت المخدة و زود عليهم الخمسين جنيه..
الأب: (بعصبية) طب طلبت فلوس ليه وانت معاك؟
الإبن: الفلوس اللي معايا ماكنتش كفاية.. دلوقتي أنا معايا 100 جنيه وعايز أشتري ساعة من وقتك علشان تيجي بكرة بدري تلعب معايا..
أكيد هتتخيلوا موقف ومشاعر الأب ساعتها..
مغزى القصة: لكل الناس اللي بتكرس كل وقتها للشغل.. حاولوا توفروا بعض الوقت للأهل والأصدقاء والأقارب عشان الفلوس وتوفير الاحتياجات المادية مش كل حاجة.
ليست هناك تعليقات:
إرسال تعليق